New York Times-მა კვლევით ორგანიზაცია Morning Consult-ს დაუკვეთა კვლევა, რომლის მიზანიც იმის გარკვევა იყო, თუ რამდენად მოსწონთ ამერიკელებს საპირისპირო სქესის წარმომადგენლებთან პირისპირ, ერთი-ერთზე სადილი ან ალკოჰოლის მიღება.
ეს შეკითხვა მას შემდეგ გახდა აქტუალური, რაც აშშ-ის ვიცეპრეზიდენტმა მაიკ პენსმა განაცხადა, რომ ცოლის გარდა, ერთი ერთზე საპირისპირო სქესის წარმომადგენელთან არასდროს უსადილია.
აღმოჩნდა, რომ მაიკ პენსის მოსაზრებას გამოკითხულ ქალთა 50%-ზე მეტი ეთანხმება. მათთვის კაცთან, პირისპირ სადილი დისკომფორტია. ვიცეპრეზიდენტის შეხედულებას გამოკითხულ კაცთა 45% იზიარებს.
რაც შეეხება ალკოჰოლის მიღებას, აქ შედეგები კიდევ უფრო მოულოდნელი აღმოჩნდა. ქალების მხოლოდ 29%-ს მოსწონს საპირისპირო სქესის წარმომადგენელთან, ერთი ერთზე, ალკოჰოლის მიღება.
კვლევაში, შემთხვევითი შერჩევის პრიციპით, 3500 ადამიანი მონაწილეობდა.