პოეტი რეზო ამაშუკელი გაზეთ „ასავალ-დასავალთან" ინტერვიუში ამბობს, რომ სახეებით აზროვნება მისი პროფესიაა და „ნაციონალური მოძრაობის" წევრებზე საუბრობს. მისი თქმით, ოთარ კახიძე ადეიშვილის მარჯვენა ხელი იყო და აქვე დასძენს, რომ სანამ ისინი პარლამენტში არიან, სენი - „მიშიზმი" ისევ იარსებებს.

„არსებობს თუთიყუშის პატარა ჯიში, რომელიც მზესუმზირას ჩქარ-ჩქარა არჩევს და ოთარ კახიძეს რომ ვუყურებ, ერთი-ერთში ჰგავს! ეგ კახიძე სისხლისმელი და სადისტი ადეიშვილის მარჯვენა ხელი იყო და შემირცხვენია ის პარლამენტი, საიდანაც დღეს ეს ვაჟბატონი ხელებს მიპარჭყავს!

სხვათაშორის, ძალიან დიდხანს მეგონა, რომ ელენე ხოშტარია ახალგაზრდა ბიჭი იყო, მაგრამ ბოლოს გოგო აღმოჩნდა. მინდა, მივმართო გოგი ხოშტარიას - თავისი „ძველი ბიჭი" ქალიშვილი გააჩეროს!

ანდა, ეს „კუპონის მამა" რომან გოცირიძე, ეს ნისკარტიანი ულვაშა ქათამი, საერთოდ ხმას როგორ იღებს?!

ხმამაღლა ვაცხადებ და ყველამ დაიმახსოვროს - სანამ ეგენი აქ ყრიან, სააკაშვილიც აქ არის და ცოცხალია „მიშიზმის" სახელით ცნობილი ავადმყოფობა, რომელმაც ჩემს ქვეყანას ამდენი უბედურება მოუტანა!

და კიდევ - სანამ „რუსთავი 2" ნაცების ხელშია, საქართველოს მოსვენება არ უწერია!" - ამბობს რეზო ამაშუკელი.

წყარო :