logo_geo
რეზო ამაშუკელი: „კუპონის მამა“ რომან გოცირიძე, ეს ნისკარტიანი ულვაშა ქათამი, საერთოდ ხმას როგორ იღებს?!
- +

12 დეკემბერი. 2016. 11:35



პოეტი რეზო ამაშუკელი გაზეთ „ასავალ-დასავალთან" ინტერვიუში „ნაციონალური მოძრაობის" წევრებზე საუბრობს და აქვე დასძენს, რომ სანამ „რუსთავი 2" „ნაცების" ხელშია, ქვეყანას მოსვენება არ უწერია.


„არსებობს თუთიყუშის პატარა ჯიში, რომელიც მზესუმზირას ჩქარ-ჩქარა არჩევს და ოთარ კახიძეს რომ ვუყურებ, ერთი-ერთში ჰგავს! ეგ კახიძე სისხლისმელი და სადისტი ადეიშვილის მარჯვენა ხელი იყო და შემირცხვენია ის პარლამენტი, საიდანაც დღეს ეს ვაჟბატონი ხელებს მიპარჭყავს!

 

სხვათაშორის, ძალიან დიდხანს მეგონა, რომ ელენე ხოშტარია ახალგაზრდა ბიჭი იყო, მაგრამ ბოლოს გოგო აღმოჩნდა. მინდა, მივმართო გოგი ხოშტარიას - თავისი „ძველი ბიჭი" ქალიშვილი გააჩეროს!

 

ანდა, ეს „კუპონის მამა" რომან გოცირიძე, ეს ნისკარტიანი ულვაშა ქათამი, საერთოდ ხმას როგორ იღებს?!

 

ხმამაღლა ვაცხადებ და ყველამ დაიმახსოვროს - სანამ ეგენი აქ ყრიან, სააკაშვილიც აქ არის და ცოცხალია „მიშიზმის" სახელით ცნობილი ავადმყოფობა, რომელმაც ჩემს ქვეყანას ამდენი უბედურება მოუტანა!

 

და კიდევ - სანამ „რუსთავი 2″ ნაცების ხელშია, საქართველოს მოსვენება არ უწერია!" - წერს რეზო ამაშუკელი.


 

წყარო : wyaro
big_banner
არქივი