გაზეთი „ასავალ-დასავალი" თბილისის მერიის უსაფრთხოების სამსახურის უფროსის პოსტზე ნუგზარ ჭონქაძის დანიშვნასთან დაკავშირებით ატეხილ აჟიოტაჟს ეხმიანება და სტატიას აქვეყნებს სათაურით - „შენ ხომ არა ხარ სულიკო?"
„რატომ ღმერთი არ გაიცინებს, როცა ნაცსაქათმის ბინადარნი ქსენოფობიაში, ჰომოფობიასა და „სიძულვილის ენის" გამოყენებაში სხვას ადანაშაულებენ.
აბა, გაიხსენეთ, ვის ეკუთვნის ეს ფრაზები:
„ოპოზიცია ყიყინებს!"
„ჩასარეცხი ინტელიგენცია!"
„ახლა გაგიყვანენ და კარგად დაგზელენ!"
„ზანგები ხომ არა ვართ?!"
ეს ფრაზები, რომლებიც მართლაც სიძულვილის ენისა და ქსენოფობიის მკაფიო მაგალითებია, სულიკო კედელაშვილს ეკუთვნის და მისი რომელიმე facebook-პოსტიდანაა?
არა, თქვენმა მზემ, ეს ფრაზები სააკაშვილს ეკუთვნის და თანაც მაშინ აქვს წამოყრანტალებული, როცა რიგითი მოქალაქისა და facebook-მომხმარებლის კი არა, საქართველოს პრეზიდენტის სტატუსით სარგებლობდა.
აღარაფერს ვამბობ სააკაშვილის ყველაზე ცნობილ ფრაზაზე, რომელიც კაცთმოძულეობისა და სიძულვილის ენის აპოთეოზია - „ნულოვანი ტოლერანტობა! ყველანი ციხეში!"
ჰოდა, სააკაშვილის ფანები და მონა-ყმები „სიძულვილის ენის" გამოყენებაში სხვებს რომ ადანაშაულებენ, ეს უკვე კომედიაც აღარ არის!" - წერს „ასავალ-დასავალი".