logo_geo
ნინო ჩხეიძე: გვარამიამ უარი მითხრა... რაც შეეხება დაბლოკვას, ეგ სიტყვა ჩემი მოგონილი არ არის...
- +

26 თებერვალი. 2018. 17:56


 

როგორც უკვე იცით, მომღერალმა ნინო ჩხეიძემ სოციალურ ქსელში უკმაყოფილება გამოხატა იმის გამო, რომ „რუსთავი 2"-მა პროექტის იდეა მოჰპარა. მომღერალი აცხადებს, რომ „მხოლოდ ქართული" „საქართველოს ფანოღის" გაგრძელებაა და ამ პროექტზე თავის დროზე ნიკა გვარამიამ მას უარი უთხრა.


მის ამ განცხადებას „პრაიმტაიმში" პასუხი გასცა მარინა ბერიძემ. სწორედ ამ პასუხის მერე დაუკავშირდა ნინო ჩხეიძე „პრაიმტაიმს" და მარინა ბერიძისთვის პასუხის გაცემა ითხოვა.

 

„ქალბატონ მარინა ბერიძეს მინდა ვუპასუხო. დავიწყოთ იქიდან, რომ ნიკა გვარამია, სოფო ნიჟარაძე და უკვე თქვენც მასწავლით მე მუსიკალურ ჟანრებს და მიმდინარეობებს. თქვენ ეტყობა, კარგად ვერ გაიგეთ, მე რაზე მქონდა ლაპარაკი. საუბარი იმაზეა, რომ ის, რასაც თქვენ დღეს აკეთებთ, მე ნიკას შევთავაზე ჩვენი საერთო მეგობრების საშუალებით, რაზეც მივიღე უარი და აღმოჩნდა, რომ ახლა თქვენ აკეთებთ იმ პროექტის გაგრძელებას, რომელიც, როგორც თქვენ ამბობთ, „საქართველოს ფანოღის" სახელით 5 წლის მანძილზე ძალიან დიდ რეიტინგს უწერდა „რუსთავი 2"-ის შვილობილ არხს. რაც შეეხება იმას, რომ თურმე მე ძალიან კარგად ვიცი, რა გიკეთებიათ... რა გაგიკეთებიათ, ქალბატონო მარინა? მთელი ცხოვრების მანძილზე აკრიტიკებთ ადამიანებს, მათ შემოქმედებას და ამოფარებული ხართ იმ ადამიანების რეგალიებს, ვისაც მართლა აქვს შექმნილი ღირებული პროდუქტი ქართულ ბაზარზე. ნიჭია ადამიანების ლანძღვა და ზემოდან ყურება. ეს კი გაგიკეთებიათ და ალბათ, ასეც გააგრძელებთ თქვენს შემოქმედებას. უკეთესი იქნება, სანამ მე ჩემი კოლეგების სახელებითა და გვარებით მომმართავ, თავად გაერკვიო კარგად,  ვის რა აქვს შექმნილი, ვინ რას წარმოადგენს და თქვენ ვინ ხართ. არ შემიძლია უპასუხოდ დავტოვო თქვენი სარკაზმი იმასთან დაკავშირებით, რომ მე თავის შეხსენება მჭირდება ხალხისთვის. აბა, ვინ ხალხზე მელაპარაკებით? მანდ რომ დასხედით და იუმორინას მეძახით, მუსიკას რომ ასწავლით ერს და თქვენი ეგოს დასაკმაყოფილებლად ვინც თქვენ გაწყობთ, იმას რომ ეძახით ქართული მუსიკის შემსრულებლებს, ამ ხალხს უნდა შევახსენო თავი? თუ ამბიციური საფეხურიდან ცოტა ქვემოთ ჩამოხვალთ, აღმოაჩენთ, რომ მე ხალხის სიყვარული არ მაკლია, რითიც მე ძალიან ბედნიერი ვარ და მადლობელი ჩემი ქვეყნის და ჩემი მსმენელის. რაც შეეხება დაბლოკვას, ეგ სიტყვა ჩემი მოგონილი არ არის და მაგ სიტყვის არსის გენიოსებს თქვენ უკეთ იცნობთ, თუ სახლში ტელევიზორი გაქვთ, გადაახვიეთ ბოლო 2-3 წელი დღემდე და „ნანუკას შოუს" გარდა, სადმე თუ მომკრავ თვალს „რუსთავი 2"-ზე, მაშინ შენი ლექსიკიდან მასწავლე, მაგას რა ჰქვია. და ბოლოს, გიწერიათ პასუხი „არასოდეს"... რა თქმა უნდა, არ ვიქნებოდი განხილული თქვენ მიერ მუსიკალურ პროექტში, ამის მცირეოდენი მიზეზები ზემოთ მოგახსენეთ. გვარამიამ უარი მითხრა, თქვენ ყველამ დიდ სცენაზე არგამოსაჩენი ჟანრის პროექტი გადაივარცხნეთ და ტრადიციულად თითს იქნევთ, ისვრით სარკაზმულ რჩევებს, თუ ვინ, სად და რომელ ნიშში უნდა იყოს წარმოჩენილი. იმაშიც დარწმუნებული ვარ, რომ თქვენი სნობიზმი იგუგუნებს ამ პროექტშიც და გულნატკენთა სიასაც გაიზრდით... და ბოლოს, თქვენგან განსხვავებით, მე გულწრფელ რჩევას მოგცემთ, ნუ ამოეფარებით გია ყანჩელს, ნანი ბრეგვაძეს, ბიძინა კვერნაძეს, რევაზ ლაღიძეს თუ გიორგი ცაბაძეს. სია ძალიან გრძელია, როგორც გარდაცვლილი, ასევე ცოცხალი ქართული მუსიკის ლეგენდების, მათ თქვენი პიარი ნამდვილად არ სჭირდებათ. მაგრამ, როგორც ჩანს, საკუთარი თავის გაპიარებაში უბადლოდ გამოიყენეთ და იყენებთ ამ ბუმბერაზი ადამიანების შექმნილ შედევრებს. ამ ყველაფრის მერე თუ საკუთარ თავთან დარჩები და კოლექტიურ აზროვნებას გაეთიშები, დარწმუნებული ვარ, რომ ადგილს ნამდვილად იპოვი, შენს ადგილს, სად უნდა გამოყო თავი და სად - არა", - განაცხადა ნინო ჩხეიძემ.




 


 

წყარო : wyaro
big_banner
არქივი