ე.წ. მუხროვანის ამბოხის დროს ქუჩაში ჩაცხრილული გია კრიალაშვილის და ლია კრიალაშვილი გაზეთ „ასავალ-დასავალთან“ ინტერვიუში ხორავას ქუჩაზე მოკლული დავით სარალიძის მამას ზაზა სარალიძეს მიმართავს.
„ზაზა სარალიძემ თქვა - არავის მივცემ უფლებას, ჩემს შვილს სულში ჩააფურთხოსო. გეთანხმებით, მაგრამ ჩვენ როგორ მოვიქცეთ თქვენთან მიმართებაში, ვისაც 9 წელი გვაფურთხებდნენ სულში, გვიკლავდნენ შვილებს, ძმებს, ქმრებს და ამ გაუსაძლისი ტკივილით ვცხოვრობთ დღემდე? გამწარებული კაცი სიმართლის დასადგენად შეიძლება სატანასაც შეეკრას, მაგრამ კუპრავას, რომელიც 26 მაისს სისხლიან დარბევაში იღებდა მონაწილეობას? - განაცხადა ლია კრიალაშვილმა.