„აიპრესის“ ინფორმაციით, პირი, რომელიც გორში 9 წლის გოგონას განზრახ მკვლელობისთვის დააკავეს, პრეზიდენტმა გიორგი მარგველაშვილმა შეიწყალა.
„წყარო, რომელმაც ეს ინფორმაცია მოგვაწოდა, თავისი სანდოობით, იმსახურებდა ყურადღებას და შესაბამისად, დავიწყეთ მისი გადამოწმება. აქვე განვმარტავთ, რომ ჩვენ ხელთ არსებული ინფორმაციით, იმ პერიოდში მსჯავრდებულ ი.ნ.-ს უარი უთხრეს პენიტენციალურ სისტემაში ვადამდელ გათავისუფლებაზე.
„აიპრესის” ინფორმაციით 9 წლის გოგონას მკველობისთვის დაკავებული პრეზიდენტმა დაახლოებით 9 თვის წინ შეიწყალა. ეს უკანასკნელი სასჯელს ყაჩაღობისთვის იხდიდა.
ოფიციალური ინფორმაციით: „2016 წლის 21 თებერვლიდან 23 თებერვლის ჩათვლით პერიოდში შეწყალების საკითხთა კომისიის მიერ განხილულ იქნა/მოხსენდა ინფორმაციის სახით 1178 პირის საქმე. შეწყალების საკითხთა კომისიის ზემოაღნიშნულ პერიოდში მუშაობის შედეგად 2016 წლის 2 მარტს საქართველოს პრეზიდენტის მიერ შეწყალებულ იქნა 155 მსჯავრდებული: თავისუფლების აღკვეთის დაწესებულებებიდან გათავისუფლდა 105 მსჯავრდებული, აქედან 8 ქალბატონი მსჯავრდებული შეწყალების აქტით თავისუფლების აღკვეთის სახით შეფარდებული სასჯელი შეუმცირდა 50 მსჯავრდებულს, აქედან 1 ქალბატონ მსჯავრდებულს და 1 არასრულწლოვან მსჯავრდებულს”.
შეგახსენებთ, 2 დღის წინ, გორში 9 წლის გოგონა დაახლოებით 14:00 საათზე გავიდა სახლიდან, რომელიც სკოლაში, ცეკვის წრეზე უნდა მისულიყო. მან სახლში მისვლა დააგვიანა. მშობლებმა ძებნა დაუწყეს, თუმცა ვერსად მიაკვლიეს. რის შემდეგ სამართალდამცველებს მიმართეს. რამდენიმე საათიანი ძებნის შემდეგ 9 წლის გოგონა მოკლული იპოვეს.
ცნობისთვის, გორში, 9 წლის გოგონას განზრახ მკვლელობისთვის ადრე ნასამართლევი 34 წლის პირი დააკავეს.