„მთელი ჩვენი უბედურება ის არის, რომ „რუსთავი 2“-ს ქართველი პოლიტიკოსების დიდი ნაწილი დაშანტაჟებული ჰყავს!“ - ამის შესახებ უფლებადამცველმა ნანა კაკაბაძემ გაზეთ „ასავალ-დასავალთან“ ინტერვიუში განაცხადა.
„ჩემთვის ისიც გაუგებარია, რატომ მიდიან „ქართული ოცნების“ ლიდერები სააკაშვილის ტელევიზიაში და რატომ სხდებიან „რუსთავი 2“-ის სტუდიაში, რომელიც მათი მტერი და სიცრუის მანქანაა?!
„რუსთავი 2“-ს მე ინტერვიუს არ ვაძლევ! ეგენი მოდიან მხოლოდ ჩვენს პრესკონფერენციებზე, საიდანაც ჯერჯერობით არ ვაძევებთ, დაგვესწრონ, თორემ იმის უფლებაც გვაქვს, არ შემოვუშვათ“, - განაცხადა ნანა კაკაბაძემ.