ჟურნალ „თბილისელებთან" ინტერვიუში ექსპერტი კავკასიის საკითხებში მამუკა არეშიძე საუბრობს სეპარატისტული სამხრეთ ოსეთის დე-ფაქტო პრეზიდენტის ინიციატივაზე.

„რუსეთის ხელისუფლებას დამატებითი ნაბიჯის გადადგმა, რომ ოკუპირებული ტერიტორიების სტატუსი შეიცვალოს, ხელს არ აძლევს. თუმცა, თიბილოვმა თუ პოლიტიკური ინიციატივები არ გამოიჩინა, ვერ დამკვიდრდება იმ პოლიტიკურ სივრცეში, თან არჩევნებიც ახლოვდება.

ოსები სხვაა, ალანები სხვა, შესაბამისად „სამხრეთ ოსეთის"  მიერ „სამხრეთ ალანიის" დარქმევა კიდევ ერთი უკმაყოფილების მიზეზი გახდება ჩრდილოეთ კავკასიაში და ეს კარგად იციან მოსკოვში... რამდენიც უნდა იძახოს „სამხრეთ ალანიააო", ის გადაწყვეტილება იქნება, რაც რუსეთს უნდა",- ასე ახსნა თიბილოვის ინიციატივა მამუკა არეშიძემ.