„როდესაც საუბრობთ ზეწოლაზე მოსამართლეებზე. ყველა მათგანი ამბობდა, რომ ჩვენზე ზეწოლა არ არის, მაგრამ ერთი მათგანი პაპუაშვილი ამბობდა, რომ კი ბატონო იყო ზეწოლა და შემდეგ გამოძიების დროს აღმოჩნდებოდა, რომ ხან მემწვანილე ურეკავდა „უი შევცდი ასე არ ყოფილაო" და ხან მსგავსი დაბრალებები. ესეც გამოირკვა", - ამის შესახებ საპარლამენტო ფრაქცია „ქართული ოცნების" თავმჯდომარემ მამუკა მდინარაძემ ტელეკომპანია „რუსთავი 2"-ის ეთერში განაცხადა, რის შემდეგაც „კურიერის" წამყვანმა პაატა იაკობაშვილმა მას გენერალური დირექტორის ნიკა გვარამიას პირდაპირი ჩართვა შესთავაზა, რაზეც მდინარაძემ უპასუხა, რომ „გვარამიას სჩვევია ჩართვები, როდესაც უჭირს სიუჟეტს და ჩართვებს, კი ბატონო".