„არ შეიძლება, ყველა პრობლემა გადაამისამართო ცენტრალურ ხელისუფლებაში", - განაცხადა კულტურის მინისტრმა მიხეილ გიორგაძემ გაზეთ „ვერსიასთან" საუბრისას თეატრალურ სამყაროში ბოლო დღეებში შექმნილ დაძაბულ სიტუაციაზე.
„ხშირად მწერენ რეგიონებისა თუ ქალაქების ხელმძღვანელები - ისტორიული ძეგლი ინგრევა, კულტურის სამინისტროვ, გამოყავი თანხა და რეაბილიტაცია ჩაუტარეო... თავად რას აკეთებთ, მეგობრებო, იმისთვის, თქვენს ქალაქში, თქვენს რეგიონში ასეთ მნიშვნელოვან ძეგლს საფრთხე არ დაემუქროს? - არაფერს! არადა, კანონით, ვალდებულები არიან, ასე მოიქცნენ. არ შეიძლება, ყველა პრობლემა გადაამისამართო ცენტრალურ ხელისუფლებაში", - განაცხადა მიხეილ გიორგაძემ.