„ცოლს ჩემი გადაღებული ფოტოთი აშანტაჟებდნენ. ჩემი მთავარი მიზანი ნათიას გათავისუფლება იყო", - ამის შესახებ ფოტოგრაფი ირაკლი გედენიძე ე.წ. ფოტოგრაფების საქმეზე საუბრისას აცხადებს.

„ამიტომაც წავედი ამ გარიგებაზე. ნათიამ არ იცოდა, სასაფლაოზე რომ ამიყვანეს და მაწამეს. არ მითქვამს, რომ ზედმეტად აღარ ენერვიულა. სასამართლოზე გაიგო პირველად. კიდევ არის რაღაც მომენტები, რომლებიც საზოგადოებისთვის არ არის ცნობილი. ყველაფერი გამჟღავნდება.

ვნანობ იმ აღიარებას, მაგრამ ამას თავისი გამართლება აქვს. ასე რომ არ მოვქცეულიყავი, ახლა მე და თქვენ ვერ ვისაუბრებდით", - აცხადებს გედენიძე.