logo_geo
ილია მეორე: საქართველო არის ტახტი უფლისა და ჩვენ ვმადლობთ უფალს
- +

22 ოქტომბერი. 2017. 14:03

 

სრულიად საქართველოს კათოლიკოს-პატრიარქმა ილია მეორემ სამებაში საკვირაო წირვის დასრულების შემდეგ ქადაგებისას აღნიშნა, რომ დღეს ეკლესია აბრაამსა და ლოტს იხსენებს. უწმინდესის თქმით, აბრაამი მაგალითია დიდი რწმენის და ღვთის იმედის.


„თქვენ იცით ბიბლიიდან, რომ აბრაამს შვილი არ ჰყავდა და მას უთხრეს, რომ ეყოლებოდა შვილი. შვილი წამოიზარდა, ღმერთმა უბრძანა, ის მსხვერპლად შეეწირა. წაიყვანა შესაწირავად და ღმერთმა გამოაჩინა კრავი, რომელიც იყო შეწირული. ამით გამოსცადა აბრაამი. განსაცდელი ყოველ ადამიანს გააჩნია და ჩვენ უნდა მტკიცედ ვიდგეთ სარწმუნოებაზე. სარწმუნოება ეს არის ჩვენი საფუძველი, ეს არის იმედი ჩვენი, ეს გადაარჩენს ადამიანს", - ბრძანა პატრიარქმა.


პატრიარქმა ქადაგებისას გაიხსენა, რომ რამდენიმე დღის წინ მასთან სარწმუნოებით მუსლიმანი ადამიანი იყო მისული. პატრიარქის თქმით, ამ მუსლიმანმა მას უთხრა, რომ არსებობს სამი ქვეყანა, რომელიც განსაკუთრებით მადლმოსილია - მადლია გადმოსული და რომ ეს აღნიშნულია მუსლიმანურ წიგნებში, კერძოდ ეს არის: ქუმი, ერაყი და საქართველო.


„დიდება და მადლობა უფალს, რომ აირჩია საქართველო. საქართველო არის ტახტი უფლისა და ჩვენ ვმადლობთ უფალს", - ბრძანა პატრიარქმა.


პატრიარქმა დღეს მარტიაშვილების გვარი და ვახტანგ გორგასლის სახელობის სკოლა-ინტერნატი დალოცა.


 

big_banner
არქივი