ამერიკის შეერთებული შტატების არჩეულმა პრეზიდენტმა დონალდ ტრამპმა თავდაცვის მდივნის თანამდებობაზე გენერალი ჯეიმს მატისი წარადგინა.
„ჩვენ დავნიშნავთ „ცოფიან ძაღლს" - მატისს თავდაცვის მდივნად, მაგრამ ამას მხოლოდ ორშაბათს გამოვაცხადებთ", - განაცხადა ტრამპმა ცინცინატში სიტყვით გამოსვლისას.
66 წლის გენერალი მატისი ტრამპის ეროვნული უსაფრთხოების გუნდს გადამდგარ გენერალ-ლეიტენანტ მაიკლ ფლინთან და ეროვნული უსაფრთხოების მრჩეველ მაიკ პომპეოსთან ერთად შეუერთდა.
ოთხი ვარსკვლავის მქონე გადამდგარი გენერალი მატისი აშშ-ს თავდაცვის სფეროში „ცოფიანი ძაღლის" სახელითაა ცნობილი და მკაცრი ხასიათით გამოირჩევა.