ამერიკის შეერთებული შტატების პრეზიდენტის თანამდებობის დატოვების შემდეგ, ბარაკ ობამამ შესაძლოა, საკუთარი ციფრული მედიაკომპანია შექმნას და საქმიანობა იქ განაგრძოს.
უცხოურ მედიაში გავრცელებული ინფორმაციით, პერუში ახლახანს გამართულ სამიტზე, ობამა Facebook-ის შემქმნელ მარკ ცუკერბერგს შეხვდა და სამომავლო გეგმებზე ესაუბრა, რომელიც ციფრულ მედიასთანაა დაკავშირებული.
თეთრი სახლის კომუნიკაციების საქმეთა დირექტორი ჯენ პსაკი აცხადებს, რომ ბარაკ ობამას პრეზიდენტის თანამდებობის დატოვების შემდეგ, მედიაკომპანიის შექმნის გეგმებზე არაფერი უთქვამს.