აშშ-ის ახალარჩეული პრეზიდენტი დონალდ ტრამპი გავლენიანმა ამერიკულმა გამოცემამ Time-მა „წლის ადამიანად" დაასახელა. ჟურნალმა „წლის ადამიანი" უკვე 90-ედ გამოავლინა.
„ზოგს ეჩვენება, რომ ის ამერიკაში მმართველი კლასით უკმაყოფილებაზე პასუხია. სხვებს მიაჩნიათ, რომ დონალდ ტრამპი ავლენს რასიზმისა და სექსიზმის ნიშნებს", - წერს გამოცემა.
ჟურნალი „წლის ადანიანად" ასახელებს იმ პიროვნებას, რომელაც გასული წლის განმავლობაში მსოფლიოში მოვლენებზე ყველაზე დიდი გავლენა მოახდინა.
აშშ-ის მომავალმა პრეზიდენტმა ტელეკომპანია NBC-ის ეთერში განაცხადა, რომ ეს მისთვის დიდი პატივია და ბევრს ნიშნავს. 2015 წელს ჟურნალმა „წლის ადამიანად" გერმანიის კანცლერი ანგელა მერკელი დაასახელა.