აშშ-ის ეროვნული საგანგებო სამსახურის განცხადებით, ქარიშხალი „ირმა" პირველ კატეგორიამდე შემცირდა.
მათი ცნობით, „ირმა" ფლორიდის სანაპიროს მიმართულებით თანდათანობით სუსტდება. ამჟამად, ქარის მაქსიმალური სიჩქარე 135 კმ/სთ-ს აღწევს.
ქარიშხლის გამო რამდენიმე დღის განმავლობაში წყალდიდობაა მოსალოდნელი. ფლორიდამდე ქარიშხალი კარიბის ზღვის კუნძულებს დაატყდა თავს, სადაც ბოლო ინფორმაციით, 27 ადამიანი დაიღუპა.