ხეოფსის პირამიდის შიგნით უცნობი დანიშნულების სიცარიელე აღმოაჩინეს. იაპონელი, ფრანგი და ეგვიპტელი მეცნიერების კვლევა ჟურნალ Nature-ში გამოქვეყნდა.
სპეციალისტების თქმით, სიცარიელე პირამიდის ცენტრში მდებარეობს. მისი აღმოჩენა მიუონური რადიოგრაფიის მეთოდით მოხდა, რომელიც რენტგენული გამოსხივების პრინციპით მუშაობს.
პროექტ ScanPyramids-ში ჩართულ მკვლევართა საერთაშორისო ჯგუფმა დამალული სივრცე 2015 წლის კვლევებისას აღმოაჩინა.