აშშ-ს პრეზიდენტი დონალდ ტრამპი ჩრდილოეთ კორეის საგარეო საქმეთა სამინისტროს განცხადებას გამოეხმაურა, რომელმაც აშშ-ის პრეზიდენტს მშვიდობისა და სტაბილურობის დამანგრეველი უწოდა.
„რატომ ცდილობს კიმ ჩენ ინი ჩემს დამცირებას „მოხუცის" ძახილით, როცა მე არასდროს დავუძახებდი მას დაბალს და მსუქანს? მე ხომ ასე ძალიან ვცდილობ მასთან დამეგობრებას და იქნებ ერთ დღეს ასეც მოხდეს", - განაცხადა დონალდ ტრამპმა.