მიუხედავად იმისა, რომ ჯერ კიდევ Samsung Galaxy S8/S8+-ისა და Samsung Note 8-ის შთაბეჭდილების ქვეშ ვართ, სამსუნგი გაჩერებას არ აპირებს და თებერვალში, მობილურის მსოფლიო კონგრესზე, რომელიც 26 თებერვალს იგეგმება, მორიგ ფლაგმანს წარადგენს. როგორც ცნობილია Samsung Galaxy S9-ს ექნება ორმაგი კამერა. განსაკუთრებით გაგახარებთ ოპერატიული მეხსიერების მკვეთრი ზრდა (6GB-მდე), რაც ახალია S სერიის სმარტფონებისთვის. იგეგმება Samsung Galaxy S9+-ის წარდგენაც, რომელიც S8-ის შემდეგ, როგორც ჩანს ტრადიციად იქცა ბრენდისთვის. სმარტფონის შეძენა თებერვლის ბოლოსთვის უკვე შესაძლებელი იქნება.