ოიმიაკონში ძლიერი ყინვა მძვინვარებს. ჰაერის ტემპერატურა - 62 გრადუსამდე დაეცა. ბრიტანული მედია მსოფლიოს ერთ-ერთ ყველაზე ცივ დასახლებაზე წერს.
„თუ ფიქრობთ, რომ ახლა დიდ ბრიტანეთში ცივა, იფიქრეთ რუსეთში სოფელ ოიმიაკონის მცხოვრებლებზეც", - წერს გაზეთი Metro.
„სოფელ ოიმიაკონში 500-მდე ადამიანი ცხოვრობს და ყინვამ მათ ჩვეულ ცხოვრებას ხელი ვერ შეუშალა", - აღნიშნავს გაზეთი.
„კეთილი იყოს თქვენი მობრძანება დედამიწის ყველაზე ცივ სოფელში, სადაც იანვარში საშუალო ტემპერტურა - 50 გრადუსამდე ეცემა და იქაურებს წამწამები რამდენიმე წამში ეყინებათ, მას შემდეგ რაც ქუჩაში გამოვლენ", - წერს Daily Mail-ი.