ბოულდერის კოსმოსური კვლევების ინსტიტუტის მეცნიერებმა აღმოაჩინეს, რომ წყალი მთვარის მთელ ზედაპირზეა გავრცელებული და მხოლოდ პოლარული რეგიონებით არ შემოიფარგლება, როგორც ეს აქამდე იყო ცნობილი. ინფორმაციას ამ კვლევაზე დაყრდნობით NASA ავრცელებს. კვლევა „Nature Geoscience"-ში ქვეყნდება.
ამ დასკვნამდე მეცნიერები ორი ორბიტალური ზონდის მონაცემების გაანალიზებით მივიდნენ. NASA-ში ვარაუდობენ, რომ ამ შედეგებით შეიტყობენ, შესაძლებელია თუ არა მთვარის წყლის რესურსის სახით გამოყენება.