logo_geo
მაიკ პენსი: ტრამპი მზადაა, სირიაში სამხედრო ოპერაცია კიდევ ჩაატაროს
- +

14 აპრილი. 2018. 22:31

 

 

აშშ-ის ვიცე-პრეზიდენტის მაიკ პენსის თქმით, დონალდ ტრამპი მზადაა, საჭიროების შემთხვევაში, სირიაში სამხედრო ოპერაცია კიდევ ჩაატაროს. ამის შესახებ მაიკ პენსმა კანადის პრემიერ-მინისტრთან ჯასტინ ტრიუდოსთან შეხვედრაზე განაცხადა. მისი თქმით, გუშინ ღამით აშშ-ის მიერ საფრანგეთთან და დიდ ბრიტანეთთან ერთად ჩატარებული ოპერაცია საგრძნობლად ამცირებს სირიის ხელისუფლების შესაძლებლობებს, გამოიყენოს ქიმიური იარაღი.

 

პენსის თქმით, სარაკეტო დარტყმების შედეგად ქიმიური იარაღის გამოყენებისთვის საჭირო ინფრასტრუქტურა „დეგრადირებული და განადგურებულია“.

 

აშშ-მა და მისმა მოკავშირეებმა გუშინ ღამით სირიაზე სარაკეტო დარტყმები განახორციელეს, რომელთა სამიზნე ქიმიური იარაღის საწარმო, საცავი და რამდენიმე სამხედრო ობიექტი იყო.

 

ვაშინგტონის, პარიზისა და ლონდონის იერიშს მხარდაჭერა კანადამაც გამოუცხადა.

 

 

წყარო : wyaro
big_banner
არქივი