ინდონეზიაში, ცენტრალური იავას პროვინციაში 4,4 მაგნიტუდის მიწისძვრა მოხდა. მედიის ინფორმაციით, მიწისქვეშა ბიძგების შედეგად 2 ადამიანი დაიღუპა, 21 კი დაშავდა.
როგორც ქვეყნის სტიქიური უბედურებების სალიკვიდაციო სააგენტოში განაცხადეს, მიწისძვრის შედეგად 316 საცხოვრებელი სახლი, ოთხი მეჩეთი და ორი საჯარო სკოლა დაინგრა.
2 ათასზე მეტი ადამიანია ევაკუირებული, დაშავებულები საავადმყოფოებში მოათავსეს.