Amazon-ის დამფუძნებლის, ჯეფ ბეზოსის კოსმოსური კომპანია Blue Origin-მა შესაძლოა კოსმოსში ტურისტები უკვე მიმდინარე წელს გაუშვას. ამის შესახებ CNBC წერს.
ამის შესახებ კომპანიის წარმომადგენელმა განაცხადა. ბობ სმიტმა განმარტა, რომ Blue Origin-ი მგზავრობისთვის უსაფრთხო პირობების უზრუნველყოფაზე მუშაობს.
ჯეფ ბეზოსმა დეკემბერში ვიდეო გამოაქვეყნა, სადაც ასახული იყო თუ როგორ მიფრინავს მანეკენი Blue Origin-ის ხომალდით კოსმოსში.
ხომალდი 6 ადამიანისთვის არის განკუთვნილი და მას დედამიწიდან 100 კილომეტრზე შეუძლია აფრენა.
ჯერ უცნობია რა ეღირება კოსმოსში მოგზაურობა, თუმცა სპეციალისტები ვარაუდობენ, რომ ბილეთის ფასი ერთ ადამიანზე 100-დან 200 ათას დოლარამდე იქნება.