აშშ-ს პრეზიდენტმა დონალდ ტრამპმა ირანის ბირთული შეთანხმებიდან აშშ-ს გასვლის შესახებ ოფიციალურად განაცხადა.
ირანის ბირთვული პროგრამის გაყინვის შესახებ შეთანხმება 2015 წელს შედგა. ამას წინ მისი ხანგრძლივი მოლაპარაკებები უძღოდა აშშ-სთან, რუსეთთან, ჩინეთთან, დიდ ბრიტანეთთან, საფრანგეთთან და გერმანიასთან. 2016 წელს ირანს საერთაშორისო სანქციების ნაწილი მოუხსნეს.
ტრამპი წინასაარჩევნო კამპანიის დროს ბარაკ ობამას ადმინისტრაციას ამ შეთანხმების გამო აკრიტიკებდა და მას აშშ-ს ინტერესების საზიანოს უწოდებდა.
ცნობილია, რომ ტრამპის გადაწყვეტილების მიუხედავად, საფრანგეთი და გერმანია შეთანხმებაში დარჩებიან.
ირანთან შეთანხმების შეწყვეტას, ან შეცვლას ეწინააღმდეგება რუსეთი, რომელიც დღეს არსებულ ვარიანტს უალტერნატივოს უწოდებს.