სიმღერის საერთაშორისო კონკურსის „ევროვიზიის“ ორგანიზატორებმა კონკურსის მოყვარულებს მოუწოდეს, იერუსალიმში ბილეთების შეძენა არ იჩქარონ.
„ევროვიზია-2019“-ის გამართვა სწორედ იერუსალიმში იგეგმება, რადგან წელს პორტუგალიაში ისრაელელმა კონკურსანტმა ნეტა ბარზილაიმ გაიმარჯვა.
ამის შესახებ „ევროვიზიის“ წარმომადგენლებმა კონკურსის „Facebook“-ის ოფიციალურ გვერდზე დაწერეს.
„ალბათ მოუთმენლად ელოდებით კონკურსის მომავალ წელს. ჩვენც! თუმცა ჯერჯერობით ბილეთების შეძენა არ იჩქაროთ, დაელოდეთ ოფიციალურ ინფორმაციას, თუ სად და როდის გაიმართება კონკურსი“, - ნათქვამია განცხადებაში.
მედიის ინფორმაციით, უკავშირდება თუ არა გაფრთხილება იერუსალიმის სტატუსს, ან ამერიკის მიერ თელ-ავივიდან იერუსალიმში საელჩოს გადატანასთან დაკავშირებულ მოვლენებს, ჯერჯერობით უცნობია.
თუმც,ა „ევროვიზია-2018“ -ის დასრულებისთანავე სოციალურ ქსელში გავრცელდა ინფორმაცია, რომ მომდევნო კონკურსის გამართვა იერუსალიმში აუცილებელი პირობა არ არის.