შტორმ „ალბერტოსგან“ გამოწვეულმა წყალდიდობამ კუბაზე 4 ადამიანი იმსხვერპლა.
სტიქიამ ყველაზე მეტად ქვეყნის ცენტრალური და დასავლეთ ნაწილები დააზარალა, საიდანაც 20 000-მდე ადამიანის ევაკუაცია განხორციელდა.
დატბორილია მთავარი ავტომაგისტრალები, რის გამოც მოძრაობა შეფერხებულია. დარღვეულია სარკინიგზო მიმოსვლაც.
ამასთან, 40 000-ზე მეტი სახლი ელექტროენერგიის გარეშე დარჩა.
აგრეთვე, არსებული ინფორმაციით, დაზიანდა მოსავალი.