ცნობილი დიზაინერი, ქეით სფეიდი ნიუ იორკში, საკუთარ სახლში გარდაცვლილი იპოვეს.

ამერიკული მედიის ცნობით, 55 წლის დიზაინერმა სიცოცხლე თვითმკვლელობით დაასრულა.

მისი ცხედარი დიასახლისმა იპოვა და 911-ში დარეკა. დიზაინერის გარდაცვალებასთან დაკავშირებით სხვა დეტალები ჯერ უცნობია.

ქეით სფეიდმა 1993 წელს კომპანია, Kate Spade Handbags ჩამოაყალიბა. 2005 წელს კი დიზაინერმა ახალი ბრენდი შექმნა – Frances Valentine.

დღეს მსოფლიოს სხვადასხვა ქალაქში მისი ბრენდის 175 მაღაზიაა გახსნილი.