გვატემალაში ვულკან ფუეგოს ამოფრქვევის შედეგად, სულ მცირე, 27 ბავშვი დაიღუპა, რამდენიმე ათეული დაკარგულად მიიჩნევა.

გვატემალას განათლების მინისტრის ინფორმაციით, სოფელ სან-მიგელ-ლოს-ლოტეს სკოლაში, რომელიც მთლიანად განადგურდა, 173 ბავშვი სწავლობდა.

მათგან 27 ბავშვი დაიღუპა და უკვე ამოცნობილია, 35 დაკარგულად მიიჩნევა.

ვულკან ფუეგოს ამოფრქვევა 3 ივნისს მოხდა, რომელიც 1,7 მილიონზე მეტ ადამიანს შეეხო.

ბოლო მონაცემით, ვულკანის ამოფრქვევის შედეგად 117 ადამიანი დაიღუპა, 200-მდე დაკარგულად მიიჩნევა.