აშშ-ის პრეზიდენტის დონალდ ტრამპის განცხადებით, მისი წინამორბედი ბარაკ ობამა მზად იყო, ჩრდილოეთ კორეასთან ომი დაეწყო.
„როდესაც მე პრეზიდენტ ობამას ვესაუბრე, ის, პრინციპში, მზად იყო, ჩრდილოეთ კორეასთან ომი დაეწყო“,- განაცხადა ტრამპმა.
აშშ-ის პრეზიდენტის თქმით, ჩრდილოეთ კორეის ლიდერ კიმ ჩენ ინთან მას კარგი პირადი ურთიერთობები ჩამოუყალიბდა.
„ჩვენ საერთო ენა გამოვნახეთ და ჩვენს შორის ურთიერთგაგება დამყარდა“, - განაცხადა დონალდ ტრამპმა ტელეარხ „Fox News“-ის ეთერში.