კალიფორნიის სან-დიეგოს უნივერისტეტის მეცნიერების მიერ ჩატარებული ახალი კვლევის შედეგებმა აჩვენა, რომ ვიტამინ D-ს ძუძუს კიბოს განვითარების რისკის შემცირება შეუძლია. ამის შესახებ „EurekAlert“ წერს.

ექსპერტებმა 2002-2017 წლებში ჩატარებული 2 ექსპერიმენტის შედეგები შეისწავლეს, რომლებშიც 3325 ქალი მონაწილეობდა და ასევე კვლევა, რომელში 1713 მოხალისე 2 ჯგუფად გაყვეს. კერძოდ, ისინი სისხლში კალციფედიოლის (ვიტამინ D-ს ჯგუფი) დოზის მიხედვით გაყვეს.

კვლევაში მონაწილე ყველა ქალი, რომელთა ასაკი 55 წელს აჭარბებდა, ჯანმრთელი იყო და მეცნიერები მათ ჯანმრთელობას 4 წლის განმავლობაში აკვირდებოდნენ.

სარძევე ჯირკვლის სიმსივნის სულ 77 შემთხვევა გამოვლინდა. როგორც აღმოჩნდა, იმ მონაწილეებში, რომელთა სისხლში კალციფედიოლის მაღალი დოზა იყო, ონკოლოგიური დაავადების განვითარების რისკი 5-ჯერ მცირე იყო იმ პაციენტებთან შედარებით, რომელთა სისხლში ვიტამინ D-ს კონცენტრაცია მილილიტრზე 20 ნანოგრამზე ნაკლები იყო.

წყარო :