logo_geo
რუკა, რომელიც ირლანდიის გარშემო ჩაძირულ 3554 გემს ასახავს - მათი უმეტესობა იდუმალებითაა მოცული
- +

18 ივნისი. 2018. 20:26

 

 

ირლანდიის ეროვნული ძეგლების სააგენტო სპეციალურ რუკას აქვეყნებს, რომელზეც ასახულია მე-16 საუკუნიდან დღემდე ირლანდიის გარშემო ჩაძირული გემების ადგილმდებარეობა.

 

რუკაზე დატანილია დაახლოებით 571 000 კვადრატული კილომეტრის აკვატორიაში, ირლანდიის გარშემო და ატლანტის ოკეანის ჩრდილოეთ ნაწილში ჩაძირული 3 554 გემი. მათი უმეტესობა იდუმალებით არის მოცული.

 

ცნობილია ზოგიერთი გემის სახელი, დაკარგვის წელი და ჩაძირვის მიზეზი, მაგრამ უმეტესი მათგანის შესახებ ირლანდიის ხელისუფლება ინფორმაციას არ ფლობს.

 

რუკაზე დატანილთა შორის ერთ-ერთი ყველაზე სახელგანთქმულია ლუზიტანია — ბრიტანული საოკეანეო ლაინერი, რომელიც 1915 წელს გერმანულმა წყალქვეშა ნავმა დანაღმა ირლანდიის ჩრდილო-აღმოსავლთ წყლებში.

 

გემის 1959 მგზავრიდან უმეტესი დაიღუპა. მათ შორის იყო ასზე მეტი ამერიკელი. ამ შეტევამ აშშ საბოლოოდ აიძულა I მსოფლიო ომში ჩართვაში, რომელიც გერმანიის მარცხით დასრულდა.

 

ყველაზე ახალ გემებს შორის, რუკაზე დატანილია 2017 წელს ჩაძირული 19-მეტრიანი ირლანდიური სარეწაო გემო, რასაც მსხვერპლი არ მოჰყოლია.

 

აღსანიშნავია ისიც, რომ რუკაზე დატანილია იმ ჩაძირულ გემთა მხოლოდ ერთი-მეხუთედი, რომელთა შესახებაც ირლანდიის ხელისუფლებას აქვს ცნობები.

 

სრულიად უცნობია ირლანდიის მიდამოებში ჩაძირული 14 414 სხვა გემის ადგილმდებარეობა.

 

ინტერაქტიული რუკა შეგიძლიათ იხილოთ აღნიშნულ ბმულზე.

 

 

წყარო : wyaro
big_banner
არქივი