ჩინეთის აღმოსავლეთ სანაპიროს ტაიფუნმა „ამპილმა“ გადაუარა. სტიქიის გამო შანხაიდან და ასევე ზეჟიანისა და ძიანსუს პროვინციებიდან 42 500 ადამიანის ევაკუაცია განხორციელდა. ამის შესახებ Reuters-ი წერს.
ტაიფუნმა განსაკუთრებული პრობლემები შანხაის შეუქმნა. ქალაქის 2 აეროპორტში ამინდის გაუარესების გამო 600-ზე მეტი რეისი გაუქმდა.
მეტეოროლოგების თქმით, ქარის სიჩქარე საათში 100 კილომეტრს აღწევდა.