NATO-ს გენერალურმა მდივანმა იენს სტოლტენბერგმა პორტალ „Axios“-სთან ინტერვიუში განაცხადა, რომ რუსეთის მხრიდან კიბერთავდასხმის შემთხვევაში, NATO-ს ქარტიის მეხუთე მუხლის გამოყენება შეუძლია.
„ეს დამოკიდებულია კიბერთავდასხმის ბუნებაზე. მნიშვნელოვანია ჩვენი ცხადი პოზიცია, რომ საჭიროების შეთხვევაში, მეხუთე მუხლს ავამოქმედებთ. ჩვენ ასევე ვაძლიერებთ კიბერთავდაცვას“, – აღნიშნა იენს სტოლტენბერგმა.
NATO-ს ქარტიის მეხუთე მუხლის თანახმად, თავდასხმა ერთ მოკავშირეზე მთელ ალიანსზე თავდასხმად განიხილება.
NATO-ს კოოპერატიული კიბერთავდაცვის ცენტრის უფროსი მკვლევარი სიიმ ალატალუ ამბობს, რომ ყოველწლიურად კიბერსფეროში ალიანსის ყველა წევრი ქვეყნის საუკეთესო სპეციალისტებს ერთად კრებენ, რათა ერთმანეთს შეეჯიბრონ და ამავე დროს ერთმანეთთან თანამშრომლობაც ისწავლონ.