მაიკლ ჯექსონის ქურთუკი, რომელიც მომღერალს თავისი ერთ-ერთი საკონცერტო ტურის დროს ეცვა, ნიუ-იორკის ჟულიენის აუქციონზე 289 ათას დოლარად გაიყიდა. ამის შესახებ Reuters-ი წერს.
სააუქციონო სახლის ცნობით, შავსამაჯურიანი და ვერცხლსიფერშესაკრავებიანი ქურთუკის საწყისი ფასი 80-100 ათასი დოლარი იყო.
მომღერალს სწორედ ის ეცვა თავის პირველ სოლო-ტურზე, რომელიც 1987 წლის სექტემბრიდან 1989 წლის იანვრამდე გრძელდებოდა. ამ ქურთუკზე მომღერლის ავტოგრაფიც არის დატანილი.
მაიკლ ჯექსონი 2009 წლის 25 ივნისს 50 წლისა გარდაიცვალა.