არგენტინის საზღვაო ძალებში აცხადებენ, რომ 2017 წლის ნოემბერში დაკარგული წყალქვეშა ნავი სან-ხუანი ნაპოვნია.
„თავდაცვის სამინისტრო და არგენტინის სამხედრო-საზღვაო ძალები იტყობინებიან, რომ 24-ე პუნქტის კვლევის შედეგად, რომელიც კომპანია Ocean Infinity-მ აღმოაჩინა, დისტანციური მართვის აპარატის საშუალებით 800 მეტრის სიღრმეზე წყალქვეშა ნავ „სან-ხუანის“ მდებარეობა დადასტურდა“, - ნათქვამია სამხედრო-საზღვაო ძალების განცხადებაში Twitter-ზე.
„სან-ხუანთან“ კავშირი გასული წლის 15 ნოემბერს შეწყდა, როდესაც ის სამხედრო ბაზიდან მარდელ-პლატაში გადადიოდა. ბოლოს კი მისი დაღუპვის შესახებ შეიტყვეს. მასზე 44 ადამიანი იმყოფებოდა. არსებობდა ცნობა ერთჯერადი აფეთქების შესახებ, რომელსაც ნავის დაღუპვას უკავშირებენ.