ყატარი ნავთობის ექსპორტიორ ქვეყანათა ორგანიზაციას, OPEC-ს ტოვებს. ამის შესახებ ინფორმაცია ყატარის ენერგეტიკის მინისტრმა საად შერიდა ალ-ქააბიმ დაადასტურა.

მისივე თქმით, "აღნიშნული გადაწყვეტილება ასახავს ყატარის სურვილს ძალისხმევა გაამახვილოს ბუნებრივი აირის წარმოების განვითარებასა და გაზრდაზე მომდევნო წლების განმავლობაში".

არსებული ინფორმაციით, ყატარი ნავთობის ექსპორტიორ ქვეყანათა ორგანიზაციას 2019 წლის 1-ელ იანვარს დატოვებს.