მექსიკაში თავდასხმის შედეგად ექვსი პოლიციელი მოკლეს.
„ლა-უერტას მუნიციპალიტეტში თავდასხმის შედეგად პოლიციის ექვსი თანამშრომელია მოკლული, ერთი კი დაჭრილი. დაწყებულია გამოძიება. შემთხვევის ადგილზე სამართალდამცველების ოპერაცია მიმდინარეობს“, - ნათქვამია ხალისკოს შტატის პროკურატურის განცხადებაში.
აღსანიშნავია, რომ ხალისკოს შტატის ტერიტორიაზე ერთ-ერთი ყველაზე მძლავრი მექსიკური ნარკოკარტელი „ხალისკო-ახალი თაობა“ მოქმედებს. 2015 წელს ამ ნარკოკარტელის წევრების მიერ პატრულზე თავდასხმის შედეგად 15 პოლიციელი დაიღუპა.