თეთრი სახლის აპარატის ხელმძღვანელის მოვალეობის შემსრულებელმა მიკ მალვენიმ ტელეარხ ABC-სთვის მიცემულ ინტერვიუში განაცხადა, რომ გამორიცხულია, აშშ-ის პრეზიდენტმა დონალდ ტრამპმა სირიიდან ამერიკული კონტინგენტის გამოყვანა გადაიფიქროს.
„პრეზიდენტმა თავიდანვე განაცხადა, რომ არ სურს სირიაში ჩვენი ჯარისკაცების სამუდამოდ დატოვება. ახლა თქვენ ხედავთ, რომ ეს საკითხი მუშავდება. ამაზე ორი წელი ვმუშაობდით“, - განაცხადა მიკ მალვენიმ.
შეგახსენებთ, რომ ამერიკის პრეზიდენტმა დონალდ ტრამპმა სირიიდან აშშ-ის ჯარების სრულად გაყვანის განკარგულება გასცა.