ავტობუსის ავარიის შედეგად ტაილანდში 6 ადამიანი დაიღუპა, 50-მდე კი დაშავდა. ადგილობრივი მედიის ცნობით, საგზაო შემთხვევა გამთენიისას, ბანგკოკისკენ მიმავალ გზატკეცილზე ძლიერი წვიმის დროს მოხდა.
თვითმხილველთა ინფორმაციით, მგზავრებით გადატვირთული ავტობუსის მძღოლმა საჭე ვერ დაიმორჩილა. მათივე მტკიცებით, ავტობუსი გზატკეცილზე გადაჭარბებული სიჩქარით მოძრაობდა. მომხდართან დაკავშირებით პოლიციამ მძღოლი დააკავა.
შეგახსენებთ, ტროპიკული შტორმის, „პაბუკის“ გამო ტაილანდში რამდენიმე დღეა უამინდობაა. ქვეყნის მასშტაბით ძლიერი წვიმები ამ დრომდე გრძელდება.
|
პარტნიორები ქარტია ფოტო არქივი |
ბმულები რეკლამა კონტაქტი |
All rights reserved Property of Qartuliazri.ge |
|
