ოკუპირებულ აფხაზეთში აფეთქების შედეგად რუსი ბიზნესმენი დაშავდა.
დე-ფაქტო რესპუბლიკის შინაგან საქმეთა ე.წ. სამინისტროს ცნობით, ინციდენტი 15 იანვარს გაგრაში, ლძაას დასახლებაში მოხდა. ბიზნესმენს ხელში პაკეტი აუფეთქდა, რომელიც თავის მანქანაში იპოვა. მიხაილ ევალენკო აფხაზეთში ცხოვრობდა და წლების განმავლობაში ბიზნეს-საქმიანობას ეწეოდა.
დაშავებული ბიზნესმენი სოჭში გადაიყვანეს, სადაც ოპერაცია ჩაუტარეს. მისი მდგომარეობა ამ დრომდე მძიმეა.