ანონიმური ზარების გამო 30 ათასზე მეტი ადამიანის ევაკუაცია განხორციელდა მოსკოვსა და მის შემოგარენში. საგანგებო სიტუაციების სამსახურის ცხელ-ხაზზე სხვადასხვა შენობაში არსებული ბომბების შესახებ 200-მდე ზარი შევიდა - წერს Vesti.ru
ანონიმური წერილები მიიღო უწყებამ ელექტრონული ფოსტითაც. მხოლოდ მოსკოვში სამართალდამცველებმა 30-მდე ობიექტი, მათ შორის, მსხვილი სავაჭრო ცენტრები, სკოლა და 3 ადმინისტრაციული შენობა შეამოწმეს, თუმცა ბომბი არცერთ შენობაში არ აღმოჩნდა.