BBC- ის ინფორმაციით, ირანელი მსახიობი ტარან ალიდუსტი, რომელიც „ოსკარზე" ნომინირებულ ფილმში ერთ-ერთ როლს ასრულებს, დაჯილდოების ცერემონიას არ დაესწრება. მსახიობის პროტესტი აშშ-ის ახალი პრეზიდენტის, დონალდ ტრამპის გადაწყვეტილებას უკავშირდება, რომელმაც 7 მუსლიმურ ქვეყანას ვიზების გაცემა შეუჩერა.
„ტრამპმა ირანის მოქალაქეებისთვის ვიზების გაცემა აკრძალა. არ აქვს მნიშვნელობა რასისტულია ეს ღონისძიება თუ კულტურული. პროტესტის ნიშნად 2017 წლის „ოსკარის" დაჯილდოების ცერემონიას არ დავესწრები", - წერს მსახიობი მიკრობლოგ Twitter-ში.
Assosiated Press-ის ინფორმაციით, აშშ-ის ახალი ადმინისტრაცია შვიდ ქვეყანას ირანს, ერაყს, ლიბიას, სომალის, სუდანს, სირიას და იემენს სადაც მუსლიმი მოსახლეობაა, ვიზის გაცემას მინიმუმ ერთი თვის განმავლობაში შეუწყვეტს.