ნიუ-იორკის პოლიციამ რეპერ "50 Сent"-ის მიმართ გამოთქმული მუქარის საქმეზე გამოძიება დაიწყო. BBC-ის ინფორმაციით ძალოვანი სტრუქტურის ერთ-ერთმა მაღალჩინოსანმა, თანამშრომლებს ცნობილი რეპერისთვის ცეცხლის გახსნა ურჩია.
2018 წლის ივნისის თვეში, რაციის საშუალებით ინსპექტორმა ემანუელ გონსალესმა, კოლეგებს ამერიკული შოუბიზნესის წარმომადგენლის მოკვლა უბრძანა. შემთხვევას ჰიპ-ჰოპ შემსრულებელი სერიოზულად მოეკიდა და საქმეში მაშინვე ადვოკატები ჩართო. ემანუელ გონსალესის განცხადებით, ეს ყველაფერი მხოლოდ ხუმრობა იყო. გავრცელებული ინფორმაციით რეპერსა და პოლიციის დეპარტამენტის მოადგილეს შორის უთანხმოება აქამდეც მომხდარა.