გამოცემა „Daily Mail“-ი მსოფლიო მოდის ლეგენდის კარლ ლაგერფილდის სიკვდილის მიზეზად პანკრეასის კიბოს ასახელებს.
85 წლის ცნობილი დიზაინერი 19 თებერვალს გარდაიცვალა.
გერმანიაში დაბადებული კარლ ლაგერფილდი, რომელიც 30 წლის განმავლობაში , „Chanel"-ის სახლის კრეატიული დირექტორი იყო, უკანასკნელ თვეებში ავადმყოფობდა.
ჯანმრთელობასთან დაკავშირებული პრობლემების გამო კარლ ლაგერფილდი იანვარში, პარიზში გამართულ ჩვენებას ვერ დაესწრო. კომპანიის წარმომადგენლებმა ჩვენებაზე მისი არ ყოფნის მიზეზად გადაღლილობა დაასახელეს.