„თურქეთში მცხოვრები სირიელი ლტოლვილებისთვის ევროკავშირი გრანტის სახით, 1.5 მილიარდ ევროს გამოყოფს“, - ამის შესახებ ევროკავშირის საგარეო საქმეთა სამსახურის ხელმძღვანელმა ფედერიკა მოგერინიმ განაცხადა.
სირიის საკითხზე ევროკავშირისა და გაერო-ს მიერ ორგანიზებულ კონფერენციაზე, ფედერიკა მოგერინიმ თქვა, რომ კონფლიქტის გადაწყვეტა არა სამხედრო, არამედ პოლიტიკური გზით უნდა მოხდეს.
თურქეთში 3.5 მილიონი სირიელი ლტოლვილი ცხოვრობს. გაერო-ში ამბობენ, რომ ბრიუსელში მიმდინარე დონორთა კონფერენციაზე მთავარი ამოცანა სირიისთვის 6 მილიარდი დოლარის შეგროვებაა.
2011 წელს დაწყებულ სირიის კონფლიქტს ნახევარ მილიონზე მეტი ადამიანი ემსხვერპლა, 10 მილიონზე მეტი კი დევნილად იქცა.