ყაზახეთის პრეზიდენტმა ნურსულთან ნაზარბაევმა თანამდებობა დატოვა, - ამის შესახებ ცოტა ხნის წინ ყაზახეთის აწ უკვე ყოფილმა პრეზიდენტმა ნურსულთან ნაზარბაევმა, ტელევიზიის პირდაპირ ეთერში სპეციალური მიმართვისას განაცხადა.
„მივიღე გადაწყვეტილება, პრეზიდენტის უფლებამოსილება მოვიხსნა“, - განაცხადა ნურსულთან ნაზარბაევმა.
ყაზახეთის პრეზიდენტის მოვალეობას დროებით ქვეყნის პარლამენტის თავმჯდომარე კასიმ ჟომარ ტოკაევი შეასრულებს.
შეგახსენებთ, ნურსულთან ნაზარბაევი ყაზახეთის პრეზიდენტის თანამდებობას 1990 წლიდან იკავებდა. 2015 წელს ის მეხუთე ვადით აირჩიეს პრეზიდენტად.