უკრაინის პრეზიდენტმა პეტრო პოროშენკომ განაცხადა, რომ უახლოეს მომავალში უკრაინა ევროკავშირსა და NATO-ს მჭიდროდ დაუახლოვდება.

„მომდევნო ხუთი წლის განმავლობაში ჩვენი გეგმის განხორციელების შედეგად, უკრაინა მჭიდროდ დაუახლოვდება ევროკავშირსა და NATO-ში წევრობას. უკრაინა ალბათ, ვერ შეძლებს ფინიშის ხაზის გადაკვეთას, თუმცა უეჭველად გადაკვეთს იმ ხაზს, რომლის შემდეგ საბჭოთა კავშირში ან რუსეთის იმპერიაში დაბრუნება არ მოხდება“, - განაცხადა პეტრო პოროშენკომ.

პოროშენკოს თქმით, NATO-ში და ევროკავშირში წევრობის გარეშე უკრაინაში მშვიდობა და უსაფრთხოება „რუსეთზე იქნება დამოკიდებული“.