აშშ-ის პრეზიდენტმა დონალდ ტრამპმა უკრაინის ახალი პრეზიდენტი ვლადიმირ ზელენსკი აშშ-ში მიიწვია. ამის შესახებ ინფორმაცია სოციალურ ქსელის მეშვეობით თავად ზელენსკიმ გაავრცელა.
აღსანიშნავია, რომ ზელენსკიმ დონალდ ტრამპს მიწვევისათვის მადლობა გადაუხადა. ამასთანავე ვრცელდება ინფორმაცია, რომ აშშ-ის წარმომადგენელთა პალატაში წარდგენილია კანონპროექტი, რომელიც უკრაინის მხარდაჭერასა და ტერიტორიულ მთლიანობას უსვამს ხაზს. ვლადიმირ ზელენსკიმ მიწვევა 31 მაისს მიიღო. სავარაუდოდ, მათი შეხვედრა მიმდინარე წლის სექტემბერში შედგება.